La Rodanalpa Federacia Renkonto okazis en KoToPo la 14-an de septembro. Inter la raportoj kaj diversaj debatoj kiuj okazis matene, estis la decido por subteni la estontan retejon «Eksuna» (nova projekto "por socio pli respondeca" per diversaj lingvoj, laŭ la iniciatinto Frédéric Chaput), estis ankaŭ la reklamo en la gazeto « Nouvel Observateur » kiu sufiĉe kostis sen reala intereso de la legantoj. Bonetose, dudek personoj ĉeestis kaj deko tagmanĝis surloke.

Venontjare, la Rodanalpa Renkonto okazos en Chambéry samtempe kun la tutlanda kongreso de Esperanto-France la 1-an kaj 2-an de junio 2014.

Mesaĝo de Mian Salam SHANY, volontula Esperanto instruisto ĉe Nepala Esperanto Asocio (aliĝinta al UEA) :

Mi sendas al vi informojn pri nia Speciala Ekskurso 2014 en Nepalo, okazonta ekde 6-a ĝis 17-a de Marto. Ĉi foje, ni celas turismigi la partoprenantojn en mondfamaj turismaj lokoj de Nepalo. Ni havos diversajn esperantajn eventojn por pli vastigi nian lokan movadon. En nia evento 'SPECIALA EKSKURSO 2014 EN NEPALO' ĉiuj aĝgrupoj povas facile partopreni, ĝui, kaj samtempe kuraĝigi al nepalaj esperantistoj. Pli detale vi povas legi en nia hejmpaĝo : www.esperanto.org.np

kaj ligilo: https://www.dropbox.com/s/iu3cc2fow5ztxax/SPECIALA%20EKSKURSO%202014%20EN%20NEPALO.%20PDF.pdf

Bonvolu disdoni ĉi-tiujn informojn al viaj amikoj por ke ili ankaŭ sciu pri nia progamo kaj partoprenante ĝuu tiun-ĉi specialan ekskurson. Ni antaŭe dankas vin pro via kunlaboro kaj se vi havas iujn demandojn pri la programo, bonvole ne hezitu skribi al ni.

la 99-a Tutmonda Internacia Kongreso de Esperanto okazos en Bonaero (Argentino) de la 26-a de julio ĝis la 2-a de aŭgusto 2014. La aliĝiloj estas haveblaj ĉe UFE en Parizo aŭ ĉe UEA - Nieuwe Binnenweg 176 NL-3015 BJ Rotterdam (Nederlando).

(Paralele okazos Internacia Infana Kongreseto. Kutime partoprenas kelkaj dekoj da E-parolantaj infanoj. Tiel la gepatroj povas kongresi senzorge).

Porinforme la 100-a Universala Kongreso de Esperanto 2015 okazos en Lille Francio.

Une rencontre espérantiste est organisée du 27 au 29 septembre à Lajoux dans un chalet par les groupes de Chatillon-sur-Chalaronne et de Bourg-en-Bresse. Contact esperanto@chatillon-sur-chalaronne.net ou pierre2811@orange.fr

« Baldaŭ rekomencos niaj kursoj. Antaŭe, mi partoprenos seminarion en Poznan (Polonio) de la 14a ĝis la 22a de septembro. Tio estas instruata trejnado pri esperanto. Por la unua kurso, la 23a de septembro, bonvolu prepari tekston pri via feriado kun interesaj detaloj. Ni babilados pri ili. Ĝis poste ! »